hbm sport

Moien gesot,

Léiw Trainerinnen, léif Trainer,

Léiw Communicatricen, léif Communicateuren,

Léiw Spillerinnen, léif Spiller,

Léif Elteren,

Léif Memberen,

D'FLH huet haut d'Decisioun geholl, dass d'Saison 2019/2020 mat Effet immediat eriwwer ass.

Wat d'Jugendequippen an Senior 2 Equippen ugeet, sou gëtt et do 2020 keen Champion.

Wat d'Hären an Dammenequippen ugeet, sou gëtt och do d'Saison net gewäert, deemno gëtt et hei keen Of- a keen Opsteiger, grad ewéi kee Champion. Enner gewëssen Konditiounen kann et sinn, dass an dësen zwee Beräicher d'Saison awer nach ënner ëmgewandelter Form ka fäerdeg gespillt ginn.

Weider Detailer fannt dir am Communiqué vun der FLH.

Bis op Weideres ass natierlech och all Training an allen Alterskategorien ofgesot.

Den HB Mersch wënscht Iech an Ären Famillen eng gutt Gesondheet an weiderhin vill Courage an dëser Zäit.

Ralph Strainchamps

GT Sport

HB MERSCH 75